Не возете ако сте пиеле алкохол, 17 казнети ноќеска во Гостивар и Тетово

Полициски службеници на СВР Тетово вчеравечер во периодот од 22 до 4 часот, спроведоа акциска контрола на возачи, дали и колку од нив ги управуваат возилата под дејство на алкохол. Во контролата откриени се вкупно 17 прекршоци, односно возачи под дејство на алкохол (Тетово-15 и Гостивар-2). Од нив двајца имале со алкохол во крвта до 2 промили. Еден возач одбил да се алкотестира. Сите возачи-прекршители веднаш се исклучени од сообраќај и изготвени им се соодветни поднесоци.

Со соодветни поднесоци санкционирани се и уште 15 други видови сообраќајни прекршоци(ТЕ-9 и ГВ-6).
СВР Тетово уште еднаш со апел до возачите да не ги управуваат возилата под дејство на алкохол со што ја доведуваат во прашање сопствената и безбедноста на другите учесници во сообраќајот.