Недела е ден за печење: Направете ја најубавата пита со спанаќ, сирење и гриз

Ова е рецепт за пита, која без сомнеж ќе го задоволни вкусот и на најприбирливите. Едноставно се топи во уста, никој не може да и` одолее. Одлично оди со чашка јогурт или кисело млеко, а се подготвува брзо и лесно.

Состојки:

4 јајца
12 лажици брашно
2 лажици гриз
1 чаша млеко
1 чаша масло
прашок за пециво
300 гр. сирење
200 до 300 гр. обарен и исецкан спанаќ
100 гр. сусам

Подготовка: Се матат жолчките од јајцата, брашното, млекото, прашокот за пециво, гризот и маслото. Во посебен сад се матат белките. Откако ќе бидат добро изматени, се додаваат во смесата, а потоа се додаваат и сирењето и спанаќот. Се става во подмачкан плех и се наросува со сусам.

Се пече околу 25 до 30 минути на 200 степени.