Неделата започнува со многу топло време и високо УВ зрачење

Македонија повторно е зафатена од горештини. Синоптичарите најавуваат сончево и многу топло време со мала локална облачност и со слаб до умерен јужен ветер. Високи температури владеат уште од претпладневните часови, максималната дневна ќе достигне до 39 степени. Она на што посебно треба да се обрне внимание деновиве е високиот УВ индекс со вредност 9. За да се заштитат од штетното зрачење, граѓаните, особено оние со чувствителна кожа треба да избегнуваат дирекна изложеност на сонце и да користат заштитен фактор.

Управата за хидрометеоролошки работи прогнозира сончево и многу топло време и за следните неколку дена. Мала промена и кратко освежување се очекуваат во четврток и во петок.