Неделава ќе владее стабилно и релативно топло време

Во поголем дел од државата денеска (понеделник) ќе биде сончево со мала до умерена облачност. По одделни котлини и вдолж Повардарието ќе има појава на магла или ниска облачност, кои попладне делумно ќе се намалат. Температура во гостиварскиот регион ќе се движи во интервал од 2 до 13 степени.

За следните денови од оваа недела синоптичарите најавуваат период на стабилно и претежно тивко време со релативно високи дневни температури. По котлините, и понатаму ќе има појава на магла и ниска облачност со променлив интензитет, особено во ноќните и претпладневните часови, како и пониски дневни температури.

Во вторник попладне ќе започне да дува умерен северозападен ветер, особено вдолж Повардарието, кој ќе продолжи и во среда, поради што преодно ќе се намалат условите за магла.