Неделава следува промена на временските прилики

Во наредниве денови нѐ очекува промена на временските прилики со наоблачување, а кон крајот на работната недела и дожд.

Денес е понеделник, 258 ден од годинава. Сонцето изгреа во 6 часот и 15 минути, а ќе зајде во 18 часот и 46 минути. Времето во текот на денешниот ден ќе биде умерено облачно со сончеви периоди. Максималната дневна температура ќе се искачи до 30-от степен.

Утре (вторник) времето ќе биде сончево со мала облачност и температури помеѓу 16 и 30 степени. Во среда се очекува слично време, односно сончево со мала до умерена облачност. Температурата ќе се движи помеѓу 15 и 30 степени.

Во четврток очекувајте поголемо наоблачување. Времето ќе биде сончево со умерена облачност, а во попладневните часови нестабилно со услови за краткотраен дожд и засилен ветер. Температурата ќе се движи од 17 до 29 степени.

Во петок нѐ очекува претежно облачно и ветровито време со сончеви периоди со услови за дожд во попладневните часови. Утринската температура ќе се спушти до 13-от степен, додека дневната ќе достигне максимални 26 степени.