Неделава започнува Интернационалната ликовна колонија во Гостивар

Во четврток (20 јуни) навечер во Гостивар свечено ќе биде отворена традиционалната Меѓународна ликовна колонија која ја организира Здружението за ликовни уметности „Драудакум“. Во рамки на годинешното издание на колонијата, во Гостивар свои уметнички дела ќе создаваат четириесетина уметници од сите страни на светот.
Покрај домашни уметници, најавено е учество на ликовни творци од: Шпанија, Германија, Косово, Албанија, Бугарија, Турција, Монголија и други земји.
Авторите ќе се инспирираат и ќе творат во гостиварскиот регион, а колонијата како и секоја година ќе биде крунисана со заедничка изложба, која ќе се одржи на 24 јуни, во Центарот за култура АСНОМ во Гостивар.
Ликовната колонија во Гостивар годинава се одржува по 14-ти пат.