Македонија
Неделен ковид биланс: Пораст на нови случаи за 56%, оздравени и починати на исто ниво
Во неделниот извештај на Институтот за јавно здравје за состојбата со ковид во земјава за периодот од 22 до 28 февруари, се бележи зголемување на новозаразени, додека бројот на оздравени и починати лица е на исто ниво како претходната недела.
Тестирани се вкупно 20.161 материјали, регистрирани сe 3.628 нови позитивни случаи од 32 градови во државата со зголемување од 56,4% во однос на минатата недела. Процентот на позитивност се движи просечно 17,9%.
Регистрирани се заболени лица во сите возрасни групи. Најзастапена е возрасната група на лица на возраст над 60 (911). Голем број на заболени се регистрира и кај лицата во возрасните групи од 30-39 (666), 40-49 (660), 50-59 (612) и 20-29 (530). Најмал број е регистриран кај децата од 0-9 (61) и 10-19 години (188).
По добиени 2 негативни теста за присуство на SARS-CoV-2 или со употреба на новиот алгоритам, со статус „оздравени“ се стекнале 1.766 лица кои биле хоспитализирани или на домашно лекување, идентично во споредба со минатата недела.
Пријавени се 69 смртни случаи од 20 градови, за еден случај помалку во однос на минатата недела. Во однос на возраста, 60 лицa биле над 60 години, 5 лица на возраст од 50-59 години, 3 лица на возраст од 40-49 години и едно лице на возраст од 30-39 години.
Заклучно со 28.02.2021, во Македонија пријавени се вкупно 103.020 случаи на COVID-19
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар