Неделен рецепт: Гриз кифлички полнети со сирење

Состојки за тестото:

400 гр. брашно

200 гр. гриз

100 мл. топла вода

180 мл. кисело млеко

20 гр. квасец

1 лажичка шеќер

1 лажичка сол

1 јајце

50 мл. масло

За фил: околу 200 гр. крем сирење

За премачкување:

жолчка од јајце

сол

1 лажичка павлака

Подготовка: Во сад раздробете го квасецот, додадете шеќер, брашно и малку топла вода, па добро измешајте. Оставете го квасецот на топло да се активира, околу 10 минути. Истурете околу 300 гр. брашно во поголем сад. Додадете сол и промешајте. Потоа додадете ја останатата вода, кисело млеко, активиран квасец, гриз, јајце и масло. Измешајте добро, а потоа постепено додајте го остатокот од брашното и замесете тесто. Обликувајте го тестото во топка, па ставете го во подмачкан сад и покријте го. Оставете го покриено, додека не надојде добро, околу 60 минути. Потоа ставете го тестото на набрашнета работна површина и поделете го на два дела. Со сукалка развлечете еден дел од тестото. Можете да направите помали или поголеми кифли. Ако сакате помали, поделете го кругот на 16 дела, за поголеми поделете го на 8 дела. Ставете малку крем сирење и свиткајте ја кифлата. Во тавата ставете хартија за печење, а потоа наредете ги кифлите. Премачкајте со изматената жолчка, сол и павлака. Може да посипете сусам. Печете во загреана рерна на 200 ° C околу 20 минути.