Неделен рецепт: Мека погача со компир и сирење

Нова идеја и рецепт за да замириса домот на месено, се секогаш добредојдени. Вообичаено неделата е ден кога целото семејство се собира во домот, што е прилика да се подготви нешто домашно, вкусно и фино. Тому затоа, за вас издвоивме еден старински рецепт за погача со компир и сирење.

Состојки

2 компири
2 јајца
15 гр. квасец
1 лажичка шеќер
200 гр. сирење
лажиче путер/маргарин
200 мл. млеко
300-400 гр. брашно
сол

Подготовка

Најпрво од млекото извадете 3-4 лажици и потопете го квасецот со шеќерот за да надојде. Путерот/маргаринот истопете го. Кога ќе надојде квасецот, во него додајте ги јајцата, растопениот путер/маргарин и остатокот од млекото, брашното и солта и од сето тоа замесете помеко тесто.

Оставете го тестото да отстои покриено половина час. Компирите сварете ги и испасирајте ги како за пире, па додадете изрендано сирење, и изедначете ја смесата. Истресете ја смесата на работната површина посипана со брашно и обликувајте топка.

Надојденото тесто поставете го на маса, па развлечете го со рацете во круг. На средината ставете ја топката со компир и сирење и со рацете преклопете го тестото и потоа добро притиснете. На средината на тестото направете дупка. Ставете во намачкан плех и оставете да отстои 15 минути. Премачкајте со жолчка и избодете со вилушка. Се пече на 200 степени 35-40 минути.