Неделна идеја за ручек: Полнет модар патлиџан – посно, здраво и превкусно

Кога се во прашање рецептите за полнет зеленчук, има најразлични верзии кои секој може да си ги надополнува според вкусот и секако кулинарската креативност. Како предлог за една сосема поинаква варијанта на полнет зеленчук, ние се одлучивме да ви предложиме еден рецепт кои во себе спојува добар вкус и здрави намирници – Полнети модри патлиџани со житарици.

потребни состојки:

2 поголеми модри патлиџани

1 домат

60 гр. ориз

30 гр. мешавина од житарки (овес, јачмен, `рж)

половина лажица измелено сушено овошје (слива, кајсија, грозје)

1 кромид

сол, црн бибер, црвен пипер, магданос

масло

подготовка:

Модрите патлиџани се сечат по должина, се издлабуваат, се посолуваат и се оставаат да отстојат 15-20 минути. Внатрешноста се чува за филот. Откако ќе пуштат црн сок, се измиваат под јак млаз вода и се редат во плех. Ситно сецканиот кромид се пропржува, му се додаваат половина од доматот исечкан и внатрешноста од модриот патлиџан, оризот, житариците, меленото суво овошје и сите зачини. Со смесата се полат мордите патлиџани, по што останатиот домат се сече на кругови кои се ставаат одозгора. Вака подготвените модри патлиџани се полеваат со филџан врела вода и се ставаат во рерна.

Се печат на 220 степени, околу 45 до 50 минути.