Неделни ковид податоци: Во Гостивар 463 нови позитивни, 27 починати

Во периодот од 23 до 29 август во земјава се регистрирани 6.361 нов позитивен случај на коронавирус, за 7% помалку од претходната недела, наведува во последниот извештај Институтот за јавно здравје. Вкупно биле направени 40.876 тестови, а процентот на позитивност се движи од 11,4% до 18%, просечно 15,2%. Најголем дел од регистрираните случаи се од Скопје (2.478). Во Гостивар истиот период регистрирани се 463 нови случаи.

По добиени 2 негативни теста за присуство на SARS-CoV-2 или со употреба на новиот алгоритам, со статус „оздравени“ се стекнале 3182 лица кои биле хоспитализирани или на домашно лекување, со 2 пати зголемување во споредба со претходната недела.

Пријавени се 199 смртни случаи, најголем дел од нив се од Скопје (46), Тетово (42), Гостивар (27), Кичево (12) и Куманово (11). Најголем број (138) од починатите припаѓаат на возрасната група над 60 години.