Неисправни камиони по патиштата во Полошко, откриени 8 прекршоци

Вчера (6 март) од 8 до 12 часот на подрачјето на СВР Тетово спроведена е акциска контрола на товарни возила, во која биле откриени и санкционирани 8 технички неисправни возила (ТЕ-2 и ГВ-6). Седум од контролираните возила имале неисправни сопирачки, а едно неисправни други уреди и опрема.

Како што информира полицијата, покрај ова, едно возило било со истечена регистрација, а кај две бил констатиран претовар и кај исто толку други недостатоци. Санкционирани, исто така, биле 4 возачи за погрешно паркирање, еден за непоседување на возачка дозвола, како и 4 други видови сообраќајни прекршоци.

СВР Тетово со апел до возачите на товарни возила, камиони, комбиња и други навреме да ја проверуваат техничката исправност пред да тргнат на пат, посебно сопирачките и уредите за управување, но и да не ги управуваат без положен возачки испит или со истечена регистрација. Им се укажува и да внимаваат на товарот, односно соодветно да го обезбедат товарот што го пренесуваат и тој да биде во пропишаните количини.