Неколку освежителни летни пијалоци кои може да си ги подготвите дома

Топлото време ја зголемува потребата од внесување на течности, за телото да остане хидрирано и во форма. Освен вода, која е најдобра за гаснење жед во организмот, ова лето може да се освежите и со неколку други пијалоци кои лесно се подготвуваат во домашни услови.

Пунч од овошје и цимет

2 лимона

3 портокали

800 мил. сок од цитрон

50 гр. кафеав шеќер

лажичка цимет

Исцедете ги лимоните и портокалите (претходно убаво измиени), па кората исецкајте ја на ситни парченца. Во поголем сад на тивок оган ставете го исцедениот сок, парчињата кора, сокот од цитрон, а кога ќе почне да зоврира додадете ги шеќерот и циметот. Проварете 10-тина минути, па откако ќе се излади сервирајте со коцки мраз и парченца овошје.

Лимонада со нане

3 лимони

3 лажички мед

6-7 листови свежо нане

500 мл. вода

Најпрво, во бокал измешајте ги убаво водата и медот. Потоа, ставете го нането и оставете да отстои 30-тина минути, за да пушти арома. На крај исцадете ги лимоните во додадете ги во бокалот, добро промешајте и вашата лимонада е готова.

Индиски традиционален пијалок Ласи

1 чаша јогурт

1 чаша вода

2 лажички мед

10-тина јагоди

грст боровинки

Сите состојки се мешаат во блендер и индискиот Ласи, кој е одличен за освежување, е спремен за пиење.