Неколку причини зошто треба почесто да јадеме костени

Питомиот костен (Castanea sativa) е дрво од семејствата на буката, која се карактеризира со црвенкасто-кадрав плод. Ова овошје, најмногу расте во јужниот дел на Европа и Средоземјето, а некои записи тврдат дека овој е првиот плод што некогаш луѓето го консумирале

Плод кој заситува

Стотина грама печени костени имаат околу 245 калории, па затоа ги нарекуваме плодови со висока енергетска вредност. Интересно е тоа што калориската вредност се дуплира со неговата термичка обработка, а се зголемува количината на белковината и јагленохидратите во плодот.

Плод за прехрана без глутен

Повеќе од 40% од костенот содржи скроб, поради што е погоден за подготвување на пире, супа и други слатки и солени јадења. Со оглед на тоа дека не содржи глутен, се препорачува на луѓето кои боледуваат од целијачна болест (нетолеранција на глутен).

Плод кој ја поттикнува работата на цревата

Костените се извор на прехранбени влакна, кој го намалува лошиот холестерол во крвта и ја поттикнува работата на цревата, односно гарантира подобра столица.

Плод кој ги чува бубрезите и срцето

Костенот е богат со калиум и фосфор, како незаситени масти, па се препорачува на луѓето, коишто имаат проблеми со срцето и кардиоваскуларниот состав, но и на оние кои имаат проблеми со бубрезите. Костенот содржи А, Б, Ц витамини, како и манган, калциум, клора, железо и магнезиум.

Плод кој ги зајакнува имунитетот и коските

Бакарот е минерал кој ги засилува коските, помага во произведувањето на црвени крвни зрна, го подобрува работењето на нервите и го засилува имунитетот. Осумдесет грама костени дневно, задоволува петина од потребата за овој минерал, па секако препуштете се во уживањето на овој јаткаст плод.

На што треба да внимавате кога купувате костени?

Кога купувате свежи костени, одберете ги плодовите со сјајна површина и без видливо оштетување на лушпата. Кога ќе ги ставите во рака, тежината треба да одговара на нивната големина. Избегнете ги костените кои даваат шуплив звук кога ги тресете. Набраните или купените костени чувајте ги во темно и студено место, пишува Пункуфер.