Најоткачените свадбени обичаи низ светот

Свеченостите по повод склопувањето на брак се традиција која е застапена насекаде во светот, но секоја култура има различен начин на прослава. Во западните култури еден од најпознатите обичаи е фрлање на бидермаерот на немажените гости. Но, кои се најинтересните свадбени обичаи во останатите краеви од светот?.

Мажот од Фиџи мора да пронајде необичен подарок пред да ја побара раката на својата девојка од семејството. На својата идна баба мора да и поклони ланче кое е направено од заби на кит. Дури тогаш добива дозвола да ја побара раката на својата сакана. Во некои делови од Шкотска, се изведува церемонија пред стапувањето во брак во која младенците си истураат скиселено млеко, расипани јајца, рибешка чорба и друга храна која има лоша миризба бидејќи постои верување дека парот кој ќе успее да го поднесе ова, ќе ги поднесе и другите проблеми со кои ќе се сретне во заедничкиот живот.

Во Велс, момчето на девојката треба да и подари „љубовна лажица“ ако сака таа да му стане невеста. Љубовната лажица се прави од дрво во кое се резбраат романтични елементи, а симболиката е дека мажот е способен да ја издржува жената.
Во Мавританија, Африка се верува дека крупните жени носат среќа во домот, па така има обичај идните невести значително да се здебелат пред свадбата.

На традиционална свадба во Германија постои обичај гостите да кршат порцелански чинии за да ги избркаат злите духови. Од младенците потоа се очекува да го исчистат нередот со што им се дава лекција дека бракот нема секогаш да биде лесен, но со заеднички напор можат да ги совладаат препреките.