Неодолив десерт – ролат со банани и јаболка!

Засукајте ги ракавите и фатете се за миксерот. Денес подготвуваме преубав десерт, кој има шмек на кралско благо, делува многу елегантно, а воопшто не е тежок да се направи.

Состојки:   

250 гр. маргарин

300 гр. мелен кекс

150 гр. шеќер во прав

4 изрендани јаболка

7 банани

100 гр. чоколадо

1-2 лажици масло ( за глазура )

Подготовка:Најпрво со миксер изматете ги добро маргаринот и шеќерот во прав, па додадете го мелениот кекс и убаво измешајте. Потоа додадете ги изренданите јаболка, како и три изгмечени банани. Направената смеса распоредете ја рамномерно на фолија. Преку смесата наредете 4 банани една по друга по крајот и завиткајте во ролат.  Ставете во фрижидер да се стегне. Пред да послужите, врз ролатот ставете глазура од чоколадо (истопено чоколадо со масло).