Нешто НАЈ за имунитет – Ќе бидете здрави како дрен

Есента е најголем тест за имунитетот. Вирусите и настинките речиси и да не заобиколуваат никого. Но, доколку добро го подготвите организмот, ако му дадете доволно витамини и го зајакнете, тогаш нема да имате проблеми со здравјето. Дури и ако ве фати некој вирус, ќе го поминете полесно, на нога. Ви предлагаме да го пробате овој рецепт за подигнување на имунитетот.

состојки:

100 гр. суво грозје

100 гр. бадеми

150 гр. ореви

100 гр. суви кајсии

100 гр. суви сливи

250-300 гр. мед

два лимона

подготовка: сувото овошје ситно се сецка, бадемите и оревите се мелат, а од лимоните се користи и кората – изрендана. Сите тие убаво се промешуваат, се додава медот и сок од лимоните, па повторно се меша додека не се соедини смесата. Се става во тегла и пред да се конзумира треба да отстои на темно 2-3 дена.

За деца над три години се препорачува по една мала лажичка еднаш дневно, а за возрасни една лажичка 2 до 3 пати дневно.

Откако ќе се отвори теглата се чува во фрижидер.