Несреќа со повредени на патот Гостивар-Кичево

Вчера (24 мај) во 15 часот и 40 минути во СВР Тетово пријавено е дека на регионалниот пат Гостивар-Кичево, во близина на Сретковски мост, се случила сообраќајна несреќа во која учествувале две патнички моторни возила со скопски регистарски ознаки: „хундаи“ управувано од 56-годишниот Ш.С. од тетовско Рогле и „фолксфаген голф“ што го управувал 55-годишниот Љ.С. од Скопје.

„Во несреќата, Ш.С. се здобил со тешки, а Љ.С. со телесни повреди констатирани во гостиварската Општа болница „Ферид Мурад“ каде биле пренесени за укажување на лекарска помош.“, извести полицијата.

На местото на несреќата увид извршила екипа од Одделението за внатрешни работи Гостивар.