Нестабилно, дождливо време во последната седмица од март

Времето денеска (понеделник) ќе биде променливо облачно и потопло со повремени локални врнежи од дожд. Ќе дува умерен до засилен јужен ветер. Температурата во гостиварскиот регион ќе биде во интервал од  7 до 17 степени.

Во следните денови од новата работна седмица ќе владее променливо облачно време со повремени врнежи од дожд. Поинтензивни процеси се очекуваат од средината на неделата кога наместа врнежите ќе имаат пороен карактер и ќе бидат проследени со грмежи и силен ветер (над 60 киlометри на час). Локално ќе наврне поголема количина на дожд (над 20 литри на метар квадратен за 24 часа).

До четврток ќе дува јужен ветер, кој утре ќе биде со засилен интензитет, а од петок ќе дува од северен правец.