Гостивар
Невнимание и нефермање правила: Пешаци страдаат на гостиварските улици
Во услови на зголемен број на возила кои се движат низ улиците и патиштата во Гостивар летниот период, пешаците се наоѓаат под ризик. Невниманието и непочитувањето на сообраќајните правила и прописи, честопати завршува со несакани последици.
Според евиденцијата на СВР Тетово, во текот на јули на гостиварското подрачје во сообраќајни несреќи биле повредени вкупно четири пешаци, од кои едно лице се здобило со тешки телесни повреди. Во август до сега, повредени се три пешаци. Во последниот случај, со тешки повреди се здоби 22 годишна девојка.
Имајќи ја во предвид осетно зголемената сообраќајна динамика полицијата апелира на поголема внимателност на возачите и пешаците, со цел да се избегнат несреќи. „На возачите им се советува да ја намалат брзината пред пешачките премини, особено на пофреквентните улици, пред се во вечерните часови и задолжително да им дадат предност на пешаците. До пешаците,пак, се упатува апел прописно да се движат и да не ги преминуваат улиците каде што ќе стигнат, туку само на обележани премини и целосно да ги почитуваат сообраќајните знаци и светлосна сигнализација и да постапуваат по нив.“, вели полицискиот портпарол, Марјан Јосифоски.
Казната за прекршоци од вакво вид за возачите се движи од 200 до 300 евра, додека непочитувањето на знаците и сигнализацијата од страна на пешаците се казнува со 45 евра.
Секторот за внатрешни работи значително го зголеми полициското присуство на градските улици, посебно на крстосниците и воопшто на сообраќајниците во Полог. Како што велат од таму, тоа се презема со цел навреме да се откријат и отстранат можните причини за сообраќајни несреќи и да се придонесе во напорите за натамошно подобрување на вкупната безбедност.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар