Низ Гостивар поставени 60-тина нови контејнери за отпад

На различни локации на територијата на гостиварската општина прераспределни се вкупно 59 нови контејнери за отпад. Како што соопштија од ЈП „Комуналец“, контејнерите се стратешки поставени за да се подобри хигиената и ефикасноста на подигнување на комуналниот смет.

„Продолжувајќи со својата посветеност за подобрување на услугите за управување со отпад, „Комуналец“ се снабди со 59 нови контејнери за комунален отпад. Оваа акција следува по успешната инвестиција во нови камиони, што го означува тековниот напор за модернизација на градската инфраструктура за управување со отпад. Овие нови контејнери за отпад се стратешки поставени низ целата општина, со што се подобрува ефикасноста на собирањето отпад и се овозможува одржување на почисти јавни простори.“, наведуваат од претпријатието.

Новите контејнери се донација од Министерството за животна средина и просторно планирање.