Низа физички напади во Гостивар-На улица, во фабрика, во градежен склад…

Изминатите 24 часа на гостиварско подрачје СВР Тетово регистрира повеќе физички напади. Информациите за нив од полицискиот билтен ги пренесуваме во продолжение:

Четириесетгодишната Л.Б. од Гостивар, вчера (7 февруари) во 17 часот впријавила дека околу 15 часот и 30 минути на улица „Гоце Делчев“ во Гостивар   физички била нападната од Х.Н.

Осумнаесетгодишната А.Н. од Гостивар во 17 часот во СВР Тетово пријавила дека во фабриката во која работела физички била нападната од нејзиниот колега Х.Н..

Дваесет и четиригодишниот гостиварец Б.К. во 17 часот и 40 минути пријавил дека околу 14 часот и 45 минути во склад за градежни материјали во Гостивар бил физички нападнат од едно лице, кое не било задоволно од испораката на материјалите што ги побарало.

Четириесет и тригодишниот гостиварец Х.П., во 18 часот пријавил дека околу 15 часот и 30 минути на улица „Гоце Делчев“ во Гостивар физички бил нападнат од едно машко лице, а кое било заедно со уште две женски лица со кои имал претходни недоразбирања.

Полициски службеници на Одделение за внатрешни работи Гостивар, околу 21 часот и 20 минути во гостиварски Балиндол го лишиле од слобода 42-годишниот Ш.Н., кој бил пријавен од 46-годишниот Ј.М од ова село дека еден час пред тоа физички го нападнал во селото.

Полицијата наведува дека се расчистуваат и документираат случаите.