Ноќеска акција во Чегране, приведени сопственик на локал и шест девојки

Синоќа во периодот меѓу 23 и 3 часот, полициски службеници извршиле акциска контрола во угостителски објект лоциран во гостиварско Чегране, сопственост на 51 годишен жител на селото. Секторот за внатрешни работи соопшти дека во локалот биле затекнати шест женски лица – пет македонски и една албанска државјанка, кои работеле како пејачки и танчерки. Девојките заедно со сопственикот биле приведени во полициска станица за понатамошна постапка.

Акција била спроведена и во тетовско, во локал на патот Тетово-Фалише. Таму биле затекнати 16 странски државјанки, кои работеле како танчерки и пејачки. Од нив 14 биле од Република Албанија, една од Република Србија и една од Република Косово, кои биле на возраст од 18 години до 33 години. Странските државјанки, како и сопственикот биле приведени во полициската станица во Тетово.