Ноќна полициска акција во Гостивар – Фатени алкохолизирани возачи

Вчеравечер (7/8 февруари) во периодот од 20 до 2 часот по полноќ, на подрачјето на СВР Тетово била спроведена акциска контрола за алкохол, во која вкупно се откриени и законски санкционирани 9 возачи кои ги управувале возилата под дејство на алкохол. Од нив 5 во Тетово и 4 во Гостивар.

„Сите алкохолизирани возачи веднаш биле исклучени од сообраќај, времено им се одземени возачките дозволи и изготвени им се соодветни поднесоци, како и едно барање за поведување на прекршочна постапка. При контролата, санкционирани се и 42 други видови прекршоци, од кои 18 во Тетово и 24 во Гостивар “, соопшти СВР.

Од полицијата информација и дека од стапувањето во сила на новите измени на Законот за безбедност на сообраќајот на патиштата кон крајот на декември минатата година, а поради истечена регистрација повеќе од 6 месеци на подрачјето на СВР Тетово времено биле одземени вкупно 26 возила (Тетово-22 и Гостивар-4), како и едно возило во Тетово поради бучавост.

Возилата ќе бидат задржани 90 дена, додека на нивните сопственици ќе им бидат изготвени поднесоци.