Нов тендер за ловење и третман на кучињата скитници во Гостивар

Општина Гостивар објави нов тендер за заловување и стручен третман на бездомни кучиња на нејзина територија. Огласот е објавен вчера (4 февруари), а понудите може да се доставуваат до 14 февруари. Според описот во тендерската документација, се бара оператор што ќе ги фаќа кучињата скитници, ќе врши вакцинација, стерилизација, чипирање и транспорт. Вредноста на јавната набавка е 1,2 милиони денари, а договорот со избраната фирма ќе се однесува на период од една година.

Првиот тендер на општина Гостивар за третман на бездомни кучиња, лани во октомври го доби тетовска ветеринарна станица, па чипирањето и вакцинирањето на кучињата од гостиварските улици започна во Тетово.

Останува да се види, дали конечно ќе биде отворен долго најавуваниот стационар за кучиња скитници, кој е сместен во објект на старата касарна во Гостивар.