Поврзи се со нас

Култура

Нова книга од новинарот доајен Кипроски: „Македонија, мој копнеж-Манојил Мане Јаковлески“

Објавено

на

Деновиве излезе од печат најновото дело на гостиварецот Киро Кипроски, доајен на македонското новинарство, хроничар и публицист – монографијата „Македонија, мој копнеж – Манојил Мане Јаковлески“. Станува збор за луксузно издание со 460 страници, во кое се наоѓаат околу 180 фотографии, од фото архивата на авторот и архивата  на зубовчанецот Јаковлески, еден од основачите на ВМРО-ДПМНЕ, активен член во македонските политички организации во мигацијата. Книгата содржи и околу 30 факсимили на значајни документи.

„Монографијата ја пишував две години и го опфаќам периодот од раѓањето на Манојил во 1951 година, па до денешни дни. Уште во 1971 година, само две години по неговото пристигање во Западен Берлин, СР Германија, на работа во ресторанот „Ново Скопје“ , на неговиот брат Гојко, станува активен член на Ослободителниот комитет на Македонија, а подоцна се преименува во Движење за ослободување на Македонија, односно Движење за ослободување и обединување на Македонија. Животот му станува бурен, полн со неизвесности бидејќи како член на емигранските организаци и со неговите истомисленици со демократски средства се  бори во Македонија да се смени политичкиот и економскиот систем. Како федерална членка на СФРЈ, Македонија да се оддели, да стане самостојна, независна и обединета држава, Македонците да не бидат угнетувани во матичната држава и во соседните. Поради ваквите активности  постојано е следен од тајните служби на Југославија, неколку години имаше забрана да доаѓа во Македонија. На почетокот на 1992 година, кога започна раздружувањето на Македонија од СФРЈ, Манојил беше на листата за апсење од воената полиција на ЈНА.“, ни откри Кипроски во разговорот по повод новата книга.

Претседателот Трајковски со делегацијата и домаќинот Манојил , Берлин 13 јануари 2000 год.

Како една од позначајните актиавности, што Јаковлески ги организирал во Европа, новинарот ги издвојува мирните демонстрации во Берлин.

„На 19 и 20 јуни 1991 година во Берлин беше најавен состанок на КЕБС, а основна тема на која министрите ќе дискутираат е „Новата европска „архитектура“. На Мане му предложив да организираме мирна демонстрација низ берлинските улици и пред Рајхстагот, да го кренеме нашиот глас за неправдите  што и се прават на Република Македонија, да побараме членките на Европската заедница да ја признаат Македонија под уставното име. Без двоумење идејата ја прифати и веднаш ги започнавме подготовките. Во периодот од 1991 до 1993 година, Манојил како  претседател на Задграничниот комитет на ВМРО-ДПМНЕ за Европа, ги организира македонските асоцијации  низ Европа, и успешно беа одржани над стотина мирни демонстрации во метрополите Берлин, Брисел, Луксембург, Виена, Женева, Гетеборг, Малме, Бон и во други градови. Со демонстрациите светската јавност беше запознаена со проблемите на Македонците во Република Македонија, преку печатените и електронските медиуми кои ревносно известуваа од демонстрациите.“, нагласи Кипроски.

Манојил ги предводи демонстрантите низ берлинские улици

За подготовката и создавањето на монографијата, новинарот вели: „Макотрпна работа е да се пишува монографија за личност која се уште е жива и активна во политичкиот живот. Меѓутоа, олеснителна околност е што со Мане негуваме искрено неколку децениското блиско  другарство. На многу средби, разговори со значајни личности од политичкиот, стопанскиот, културниот и спортскиот живот сум присуствувал  во Зубовце, Гостивар, Скопје, Белград, Загреб, Букурешт, Софија, Берлин, Луксембург и во други градови. Нема да бидам нескромен ако кажам дека имам  покренувано многу иницијативи и заедно со Мане заеднички ги реализиравме. Исто така, имам богата архива на документи и фотографии од многу значајни историски случувања во дијаспората и во Македонија, а за нив имам објавено и голем број на новинарски текстови во печатените и електронсктие медиуми во Македонија и Германија.“

Оваа книга е деветто книжевено дело на Киро Кипроски. Автор е монографијата „Галичник засекогаш“,  „Манастир свети пророк Илија“ село Долно Јеловце, во 2015 година ја објави „Македонија мојот живот“ и други.

Промоцијата на новата монографија е закажана за 1-ви февруари (петок) во 12 часот во Музејот на македонската револуционерна борба во Скопје. Потоа, ќе се одржат уште  неколку промоции во Македонија.

Браќата Гојко и Манојил, со родителите, Делче и Рафаелка

Сподели ја веста:
Прочитај повеќе
Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement

Огласи за вработување:

Гостиварпред 5 дена

Света архијерејска Василиева литургија во Гостивар со гости од Србија и чин на ракоположување

Гостиварпред 2 недели

Со љубов и почит кон корените – „Танец“ одржа концерт во Гостивар

Гостиварпред 2 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 3 месеци

Ангелчињата во Гостивар го најавија Христовото раѓање-Бадникова поворка 2024

Спортпред 4 месеци

По првиот круг од сезоната КК Гостивар „виси“ на 8-та позиција на табелата

Спортпред 4 месеци

Кехинде од пенал му пресуди на Македонија Ѓорче Петров 1-0

Гостиварпред 7 месеци

Стефановски: Гостивар одличен како домаќин и публика, благодариме од срце!

Спортпред 7 месеци

ФК Гостивар загуби на домашен терен од Силекс 1-2

Гостиварпред 8 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

АНКЕТА:

Дали ќе гласате на претстојните ПРЕТСЕДАТЕЛСКИ и ПАРЛАМЕНТАРНИ ИЗБОРИ 2024?
Advertisement
Advertisement

Популарно изминативе 100 дена