Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 18/04/2019 | 16:09

Нова контрола на автобуси и комбиња во Гостивар, паднаа 15-тина казни

Полицијата продолжува со акциски контроли врз јавните превозници на гостиварското и на тетовското подрачје. Вчера во периодот од 9 до 14 часот, биле контролирани вкупно 101 возило за јавен превоз на патници (автобуси, минибуси и комбиња). Од нив 66 во тетовско и 35 на гостиварско.

Според податоците од СВР, откриени биле 25 прекршоци (12 во Тетово и 13 во Гостивар), поради кои од сообраќај биле исклучени 17 возила (9 во Тетово и 8 во Гостивар).

Најмногу прекршоци во оваа контрола се однесуваат на неисправни сопирачки, по што следува неисправност на други уреди, истечена регистрација, непојавуавње на  вонреден технички преглед и некомплетна опрема.

„Констатираните прекршоци, односно недостатоци во оваа aкциска контрола заокружени се со 25 прекршочни платни налози (12 во тетовско и 13 во гостиварско) и со пет барања за поведување на прекршочна постапка (2 во тетовско и 3 во гостиварско).“, информира СВР Тетово.

Напишете коментар