Нова несреќа со пешак во Гостивар – жена е тешко повредена

Полицијата регистрира уште една сообраќајна несреќа со повреден пешак во Гостивар и тоа повторно на булеварот „Гоце Делчев“.

Според МВР, несреќата се случила вчера вечер околу 23 часот на булеварот „Гоце Делчев“ во Гостивар, кога патничко возило „Цитроен“ со гостиварски регистарски ознаки, управувано од 49 годишниот Г.Р. од Гостивар, удрило во пешакот З.А. на возраст од 66 години од село Трново. Жената се здобила со тешки телесни повреди и и била укажана помош во комплексот клиники „Мајка Тереза“ во Скопје.

Увид на местото извршила екипа од Полициската станица Гостивар.

Ова е втора несреќа со повреден пешак за два дена на бул. „Гоце Делчев“. Претходно автомобил удри во 43 годишна жена од Беловиште.