Македонија
Нова шанса за невработените-Реобјавени огласи за грантови за отворање бизнис, практиканство…
Невработените и работодавачите добиваат дополнителна можност да се вклучат во некоја од мерките од Оперативниот план за вработување 2021. Агенцијата за вработување реобјави неколку огласи: самовработување со грант, субвенционирање на плати, практиканство, обука на работно место за познат работодавач и јавни работи. Како што информираа на денешната прес-конференција министерката за труд и социјална политика, Јагода Шахпаска и директорот на Агенцијата за вработување, Абдуш Демири ова биле програмите за кои изминатиов период имало најголем интерес.
„Мерките од Оперативниот план, кои се реализираат преку Министерството за труд и социјална политика и преку Агенцијата за вработување, обезбедуваат поддршка за креирање на нови работни места и зголемување на вработливоста на невработените лица, посебно на младите, долгорочно невработените и корисниците на гарантирана минимална помош, како и поддршка на невработените лица на кои престанокот на работниот однос им е регистриран во периодот на кризата предизвикана поради Пандемијата со КОВИД-19“, истакна Шахпаска.
Приоритет ќе им биде даден на лицата кои ја изгубиле работата поради пандемијата.
Директорот Демири информираше дека оние лица кои веќе аплицирале за овие мерки и програми не треба да аплицираат повторно, бидејќи нивните апликации се земени предвид.
„Денеска за прв пат е објавен и јавниот оглас за Обуките за развој на дигитални вештини кои ќе опфатат 400 невработени лица и ќе ги надградат нивните вештини во областа на информациските технологии заради зголемување на нивната конкурентност и побрза интеграција на пазарот на трудот“, информираше Демири.
Огласите детално може да се најдат на веб страната на Агенцијата за вработување.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар