Нова сообраќајка со повреден велосипедист во гостиварско

Црна недела за велосипедистите во гостиварскиот регион. Полицијата повторно регистрираше несреќа во која е повреден возач на велосипед.

Според информациите од портпаролот на СВР Тетово, Марјан Јосифоски, сообраќајката се случила утрово околу 10 часот и 10 минути на клучката кај гостиварско Врапчиште. Во неа учествувале: товарно возило „фиат“ со странска регистрација, автомобил „Пасат“ исто така со странски таблици и велосипедист на возраст од 26 години, жител на селото Тумчевиште.

Освен велосипедистот во несреќата со телесни повреди се здобила и сопатничката во пасатот, седуманесетгодишна девојка. Повредените биле пренесени во гостиварската болница, каде им укажале лекарска помош и ги пуштиле на домашно лекување.

Увид бил извршен од екипа од ПС Гостивар во содејство со Јавен обвинител. Се утврдува како и зошто дошло до сообраќајката.

Инаку, изминатиот период на полошкото подрачје се случиле десетина несреќи со учесници велосипедисти. Во една од нив, пред неколку дена во гостиварска Долна Бањица, возач на велосипед заврши со тешки телесни повреди