Нова сообраќајка во Гостивар: Тешко повредено 21 годишно момче

Регистрирана е уште една сообраќајна несреќа со тешки телесни повреди во Гостивар. Ова е трета по ред деновиве.

Несреќата се случила околу 13.20 часот на ул „Кеј Братсво Единство“ во Гостивар. Според првичните инофрмации од полицијата, во неа учествувале патничко возило „пежо партнер“ со гостиварска регистрација, кое го управувал 58 годишниот И.Н од Гостивар и мотоцикл Јамаха со италијански таблици, што го возел 21 годишниот гостиварец Р.А.

Во сударот мотоциклистот се здобил со тешки телесни повреди и во сериозна здравстева состојба итно бил пренесен на скопските клиники.

Полицијата соопшти дека се врши увид со овластување на Јавен обвинител и се работи на утврдување на причините и околностите кои довеле до несреќата.