Нова техника на слабеење – броење на залаци

Наместо калориите, да се бројат залаците. Ова е најновата техника која се повеќе добива на популарност во светски рамки, меѓу оние кои сакаат да изгубат по некој килограм.

Истражувачите од Универзитетот во Северна Каролина тврдат дека со броење на залаците многу полесно ќе дојдете до посакуваната тежина, отколку со диета која се базира на калориите во храната. Со помош на податоци за едно лице како возраст, пол, висина, практикувана физичка активност и слично се пресметува колку залаци храна би требало да внесува секојдневно, при тоа да не го нарушува здравјето, а да овозможи слабеење.

За тие пак, кои се задоволни од својата тежина и само сакаат да ја задржат и да не се дебелеат се препорачува во просек по 20-25 залаци за ручек и вечера и 30-35 за појадок. Со напомена дека залаците треба да бидат умерени, нормални и храната мора да се џвака бавно.

Научниците отишле и чекор понатаму и направиле бројач на залаци, кој има изглед како рачен часовник. Кога јадете го ставате на рака, стискате копче и направата точно ќе ви покажува колку залаци сте изеле.

Бројачот се продава по цена од 120 долари.