Новата криптовалутa Либра на Фејсбук ќе му донесе историска заработка

Фејсбук очекува сериозна заработка од својата нова криптовалута.

Оваа валута може да процвета на пазарите во развој со тоа што ќе им обезбеди стабилна алтернатива за испраќање пари во земјите со нестабилни валути и влади, судејќи по компанијата RBC Capital markets.

Нејзините експерти очекуваат Либра да биде користена за плаќања помеѓу луѓето, традиционалната е-трговија, плаќање за апликации или гејминг сервисот на платформите кои се во сопственост на Фејсбук.

Компанијата исто така постави нов таргет за Фејбук акциите од 250 долари, што е повеќе од досегашните 187 долари по акција. Друштвената мрежа веќе воспостави партнерства со големи компании, вклучувајќи тука имиња како што се Visa и PayPal, кои веќе инвестираа во оваа криптовалута и ќе ја надгледуваат нејзината употреба.

Либра ќе биде врзана со неколку традиционални декретни валути, со цел да се заштити од нагли потреси кои им се случија на другите водечки дигитални валути.

И покрај бројните проблеми кои ги има Фејбук кога станува збор за протекување и злоупотреба на личните пдоатоци на своите корисници, дигиталната валута би можела да му обезбеди и до 19 милијарди долари приход до 2021 година, според Рос Сендлер, аналитичар во Barclays.