Новата работна седмица носи облачно време со услови за дожд

Времето денеска (понеделник) ќе биде топло со мала до умерена облачност. Попладне ќе има услови за изолирана појава на краткотраен дожд и ретки грмежи. Ќе дува слаб до умерен ветер претежно од западен правец, соопшти Управата за хидрометеоролошки работи. Максималната температура во гостиварскиот регион ќе достигне 23 степени.

Утре (вторник) и во среда нѐ очекуваат слични временски услови, додека во четврток според метеоролошките прогнози облачноста ќе се зголеми и ќе има врнежи од дожд и пад на температурата за неколку степени. Врнежливо и посвежо време се прогнозира и за петок.