Новата цена на струјата ќе биде утврдена во петок

Утре ќе дознаеме дали цената ќе биде повисока или граѓаните ќе добијат пониски сметки за електрична енергија за домаќинствата и малите потрошувачи со започнувањето со работа на универзалниот снабдувач, компанијата ЕВН хоум, која ќе биде оперативна на пазарот од 1 јули.

Од Регулаторната комисија не очекуваат ценовен шок, а дали таа ќе биде повисока или граѓаните ќе добијат пониски сметки за електрична енергија од август, ќе се знае веќе од утре, по отварањето на понудите на тендерот распишан од универзалниот снабдувач со електрична енергија.

На аукцијата што ја организираше универзалниот снабдувач, ЕЛЕМ беше обврзан да понуди најмалку 80% од електричната енергија на домаќинставата и малите потрошувачи, со што ќе има и најголемо влијание во формирање на новата цена на струјата. Неа повеќе нема да ја одредува Регулаторната комисија, туку таа ќе биде пазарно утврдена откако ќе се направат потребните пресметки со други параметри опфатени во процесот на формирање на цената за чинење.