Нови 10 решенија за изолација и 9 изјави за самоизолација во Гостивар

Изминатото деноноќие 42 во Гостивар и гостиварско добиле казни затоа што не носеле заштитни маски. Според Уребдата на Владата, носењето заштитна опрема на устата и носот е задолжително во сите јавни објекти како државни институции, маркети, продавници, банки, пошти, јавен превоз, чекални, здравствени институции и слично, како и на отворени простори, секогаш кога не може да се одржува минимална дистанца од два метри меѓу граѓаните.

Казните за непочитување се во висина од 20 евра во денарска противвредност за физичките лица, а за компаниите каде не се почитуваат мерките за носење заштитна опрема за вработените и посетителите, предвидена е казна од 2.000 евра во денарска противвредност.

Според податоците од СВР Тетово, последните 24 часа во регионот на Гостивар нови изјави за самоизолација потпишале 9 граѓани, а решенија за изолација од Државниот санитарен испекторат биле издадени за 10 лица.