Нови 234 случаи со Ковид-19, 12 починати и 1.491 оздравен пациент

Согласно податоците од Институтот за јавно здравје, во последните 24 часа направени се 1.318 тестови, а регистрирани се 234 нови случаи на КОВИД-19, 12 починати и 1.491 оздравен пациент, соопшти Министерството за здравство.

Од вкупниот број на позитивни (234), регистрирана е 31 реинфекција.

Од новозаболените 234 случаи од Скопје се 180, Кавадарци 19, Куманово, Прилеп и Неготино по 6, Велес 4, Гостивар и Крива Паланка по 2, Битола, Струмица, Струга, Свети Николе, Дебар, Пробиштип, Кратово, Крушево и Македонски Брод по 1.

Од 12-те починати три се од Скопје (72г, 74г и 76г), по две од Битола (81г и 91г), Куманово (77г и 81г) и Струмица (58г и 65г) и по едно починато лице од Кочани (60г), Охрид (64г) и Тетово (68г). Од пријавените лица сите се починати во болнички услови.

Од вкупниот број на починати лица, кај 17 лица се регистрирани коморбидитети.

Досега во земјата се направени вкупно 1.871.411 тестирања на КОВИД-19. Вкупниот број КОВИД-дијагностицирани лица во земјава од почетокот на епидемијата изнесува 293.559, бројот на оздравени пациенти е 278.326, на починати е 8.915 а на активни случаи изнесува 6.318.