Нови 411 позитивни на КОВИД во земјава, во Гостивар 11 нови случаи

Во последните 24 часа се регистрирани 411 нови случаи на КОВИД-19 од кои 88 реинфекции. Евидентирани се и 210 оздравени пациенти, а починати лица нема.

Како што информира Министерството за здравство, направени се 1.153 тестови.

Од новите КОВИД случаи, во Скопје се 208, Битола – 33, Куманово – 26, Прилеп – 21, Велес – 16, Струмица – 14, Кавадарци и Штип – по 13, Гостивар – 11, Тетово – 10, Кичево – 8, Кочани – 7, Неготино – 5, Струга – 4, Крива Паланка и Валандово – по 3, Ресен, Радовиш, Делчево и Демир Хисар – по 2, Охрид, Гевгелија, Свети Николе, Берово, Богданци, Македонски Брод, Демир Капија и Дојран – по 1.

Досега во земјата се направени вкупно 2.092.345 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 317.140, бројот на оздравени пациенти е 305.712, на починати е 9.337, а бројот на активни случаи изнесува 2.091