Нови 68 заболени од Ковид 19 во Македонија, на подрачјето на Гостивар уште еден позитивен

Министерството за здравство информира дека во изминатите 24 часа во земјава се регистрирани 68 нови случаи на Ковид-19. По градови: Скопје – 15, Куманово – 18, Прилеп -14, Тетово -2, Струга – 10, Велес – 6, Битола -1, Гостивар -1 и Кочани -1.

Вкупната бројка на дијагностицирани пациенти со Ковид-19 во нашата земја изнесува 828 лица. Во изминатото деноноќие биле направени 404 теста, а до сега направени се вкупно 8.057 тестирања на коронавирус.

Во официјалната статистика на Министерството за здравство, регионот на Гостивар е евидентиран со вкупно 8 случаи, до сега. Во оваа бројка се опфатени првата пациентка која веќе е излечена, како и лицето од државен карантин во Маврово, кое деновиве беше пренесено во струмичката болница.