Гостивар
Нови 900 садници долж булеварите во Гостивар
Екипи на Јавното претпријатие за паркинзи и зеленило во Гостивар деновиве работат на уредување на зелените површини и засадување на нови дрвца.
Денес ги затекнавме во населбата Малеарди, каде долж булеварот „Браќа Ѓиноски“, веќе се засадени 600 нови садници, а во тек е кастрење на останатите дрвја.
По продолжениот викенд, активностите за раззеленување ќе продолжат и по булеварот „Гоце Делчев“.
„До сега се засадени околу 600 садници, а од понеделник ќе продолжиме со уште 300 и тоа по булеварот „Гоце Делчев“ од домот на културата се‘ до автобуската станица. Подигнавме и две нови зелени површини, во населбата Малеарди и на ул „Мара Угринова“. Ги одржуваме и сите зелени површини во кругот на колективните згради“, рече Беким Челебиу, директор на ЈП за паркинзи и зеленило.
Претпријатието ги интензивираше работите на терен од септември. Претходно поради карантините и полицискиот час, активностите беа ставени во мирување. Каква ќе биде финансиската рамка на инвестициите во зеленилото, останува да се види до крајот на годината.
Од претпријатието за зеленило најавија дека во текот на следните денови ќе се спроведе и сечење на неколку постари дрвја во градскиот парк, за кои било оценето дека претставуваат ризик за минувачите.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk