Нови полициски контроли на моторџиите, во Гостивар 5 казни

Во вчерашната акциска контрола за прекшоци што ги прават возачите на мотоцикли, биле откриени и законски санкционирани 18 прекршоци на тетовското и пет прекршоци на гостиварското подрачје.

Најчестиот прекршок што го прават возачите на мотори е некористењето заштитна кацига, како и управување без возачка дозвола или мотор со истечена регистрација. Меѓу прекршителите неретко има и малолетници.

Секторот за внатрешни работи Тетово апелира доследно да се почитуваат сообраќајните знаци, правила и прописи. На мотоциклистите им се советува, навреме да ги регистрираат нивните мотоцикли, да ја проверат техничката исправност на истите, да не седнуваат зад управувач без положен возачки испит и да бидат крајно внимателни кога се движат, посебно по пофрекфрентните улици во Тетово и Гостивар.

„Доколку не се придржуваат на овие апели и укажувања, ќе се соочат со поднесоци и глоби кои, зависно од видот на прекршокот, се движат од  50 евра за неносење опрема до 500 евра во денарска противвредност, за нерегистриран мотоцикл.“, предупредува СВР.