Нови претреси и апсења во Гостивар поради наркотици

Продолжуваат акциите на полицијата на гостиварското подрачје во насока на откривање на случаи со дрога и наркотици. Вчеравечер две лица завршиле во полициска станица заради марихуана.

МВР соопшти дека околу 23.15 часот во Гостивар, полициски службеници од Полициска станица Гостивар ги лишиле од слобода 21 годишниот Г.А. и 26 годишниот Ф.Ф., двајцата од Р.Албанија, со привремен престој во Гостивар, затоа што при преглед кај нив и при претрес во домот каде што престојуваат, извршен со судска наредба, била пронајдена марихуана.

Тие биле приведени во полициска станица и по целосно документирање на случајот против нив ќе биде поднесена соодветна пријава, најави полицијата.