Нови случаи на корона во Маврово-Ростуше, се апелира строго да се почитуваат мерките

Изминатите денови регистрирани се неколку нови случаи на коронавирус на подрачјето на Општина Маврово и Ростуше. Состојбата се разгледуваше на состанок на Кризниот штаб.

„Од добиените резултати од направените тестирања, имаме четири наши сограѓани позитивни на корона вирусот. Три  пациенти моментално се наоѓаат дома во самоизолација и се во добра здраствена состојба со полесни симптоми, додека еден пациент се наоѓа на Инфективното одделение во Гостивар. Од други двајца наши сограѓани се чекаат резултати од направени Ковид -19 тестови. Кризниот штаб е во постојан контакт со четирите наши сограѓани, и за наша среќа се во добра здраствена состојба. Исто така сме во постојана комуникација со епидемиолозите од Општата болница во Гостивар, од каде добиваме информации за здраствената состојба на нашите сограѓани како и добиваме информации и совети како да постапуваме за превентивно делување со лицата кои биле во непосреден контакт со инфицираните наши сограѓани.“, соопштија од Кризниот штаб. 

Од таму апелираат до граѓаните строго да се придржуваат кон препораките дадени од страна на Министерството за Здраство, лицата кои имаат решенија за самоизолација строго да се придржуваат кон наредбата и во никој случај да не излегуваат од дома, задолжително да се носат заштитни маски, рацете да се мијат почесто, да се избегнува одење по гости и собирање во групи, да се држи растојание од 2 метри, да се избегнува патување во другите градови.
„Во случај да се појават симптоми на висока температура, губење на осет за вкус и мирис, тешко дишење итн, граѓаните да се јават на телефонските броеви од Здраствениот Дом во Ростуше (042 478 066 и 070 229 916) и да се постапува по дадените инструкции од нашите доктори. Да се придржуваме кон мерките, само така ќе покажеме дека си ја сакаме својата фамилија, своите комшии, своето село, својата општина. Да бидиме одговорни и да го сочуваме јавното здравје за сите нас.“, повикаа надлежните.