Новина во здравството – Домашна постоперативна грижа за пациентите

Здравствени работници телефонски ќе контактираат со пациентот еднаш дневно во првите три дена од отпуштањето од болницата, а потоа еднаш во неделата се до закажаната прва контрола. Ова е нова системска мерка за развој на домашна постоперативна грижа за која денес информираше државниот секретар во Министерството за здравство, Владимир Милошев.

Целта на оваа мерка е грижа за пациентите во периодот до првата закажана постоперативна контрола во болничката установа, која најчесто се закажува еден месец после хируршката интервенција. Во овој период пациентот ќе може да се јави за секоја промена на неговата здравствена состојба на определената медицинска сестра за добивање медицински совет на телефоните, кои ќе бидат јавно достапни на веб страната на Министерството за здравство, изјави Милошев.

Новината ќе се воведе во сите јавни здравствени установи во земјава каде што се вршат хируршки интервенции.