Гостивар
Новинарот и публицист од Гостивар Киро Кипроски со две нови книги
Плодна творечка година за доајенот на македонското новинарство и публицист од Гостивар, Киро Кипроски. Наскоро ќе ги промовира двете најнови дела, создадени во текот на оваа година. Се работи за книга посветена на древното македонско светилиште Бигорскиот манастир и книга со новинарски записи, репортажи, човечки стории и фотографии од неговото над полвина век новинарско искуство.
Најголемиот дел од текстовите во оваа книга, која носи наслов „Поглед низ времето“ се врзани со поширокиот гостиварски регион, со што може да се каже дека оваа книга е еден вид енциклопедија за Гостивар.
„Во книгата се поместени текстови од 1968 година. Меѓу првите е текстот за Трајче Ристоски, првиот гостиварчанец кој беше на операција на срце во Хјустон каде го оперираше прочуениот светски кардиохирург доктор Дебекеј. Не случајно го споменувам овој настан, да послужи како пример на хуманоста и професионалноста. Докторот со писмо го известува семејството за сосојбата на пациентот, за успешноста на операцијата, дека во болницата истовремено има и други пациенти од тогашна Југославија со кои може да си разговара, и така времето брзо му поминува. Не само докторот, туку и главната медицинска сестра пишува до семејството неколку писма. Тоа треба на сите да ни послужи како поука.“, вели Кипроски.
Еден од записите во книгата е за нобеловецот со гостиварско потекло д-р Ферид Мурад, односно за неговата посета во родното место на татко му, селото Лакавица.
„Неговиот престој и посетата во Лакавица ги одбележав со новинарски запис. Оваа белешка ми остави голем печаток и ја нареков „Солзите на нобеловецот“ . Човек, без разлика дали е врвен доктор, нобеловец, има и покажуваа емоции. Кога тој се качи на бината, му се претставуваа роднини, ги запозна своите сограѓани, му покажуваа фотографии од татко му, ги виде своите корени и почна да плаче. Не можеше да се соземе. Тоа беше многу емотивен момент“, раскажува новинарот.
Во книгата исто така има и многу записи врзани со мавровско-реканскиот крај.
Првите чекори во новинарството Кипроски ги направил во детскиот неделник „Наша просвета“. Како средношколец и студент соработувал со младинските весници „Млад Борец“ и „Студенски збор“. Новинарската кариера ја градел во медиумите Нова Македонија, „Танјуг“, „МИА“, „Макфакс“, Радио Скопје, во програмите на македонски јазик на Радио Дојче веле и Радио Берлин, пишувал за изданијата на НИП „Вјесник“ Загреб, неделниците „Журнал“,„Екран“ и многу други. Како матична куќа го има Радио Гостивар, каде работел како новинар – уредник на емисиите на македонски јазик.
Автор е на десетина книги и монографии, меѓу кои „Галичник засекогаш“, „Манастир Свети пророк Илија-Долно Јеловце“ , „Сага за македонските воени пилоти“ итн.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар