Новиот автопат Тетово-Гостивар ќе биде готов во 2027-ма година, чини 90 милиони евра

Денес беше поставен камен темелник на новиот автопат Тетово-Гостивар со вкупна должина од 17,5 километри. Почетокот на изградбата на оваа делница официјално беше означен во присуство на премиерот Христијан Мицкоски, министри во Владата, градоначалници од полошките општини, пратеници, дипломати.

„Денес, од срцето на Полог испраќаме најсилен одговор на сите скептици и на сите што со години зборуваа, а ништо не направија. Ние не ветуваме празно, ние градиме. Денес започнуваме еден од клучните инфраструктурни проекти, изградбата на новиот автопат од Тетово до Гостивар. Овој пат ќе го возат и Македонци, Албанци, Турци, Срби, Роми, Бошњаци и туристи од други националности кои ќе се упатуваат до нашите планински бисери и езерски бисери како што е Охридското Езеро. Политичарите кои имаат визија и градат вакви дела ќе бидат запомнати и никогаш нема да излезат од колективната меморија.“, истакна Мицкоски.

Новиот автопат ќе има по две коловозни ленти во еден правец и дополнително една лента за застанување. Според најавите оваа делница ќе биде готова 2027-ма година, а проектот чини 90 милиони евра.

Прес присутните денес се обратија и директорот на претпријатието за државни патишта Коце Трајановски, Амбасадорката на САД Анџела Агелер, вицепремиерите Александар Николоски и Изет Меџити, како и Џош Бејкер, проектен менаџер во Бехтел и Енка.