Новогодишна претстава: Учителки и мајки глумат за дечињата во гостиварските градинки

Празничната атмосфера во детските градинки во Гостивар деновиве се надополнува со низа различни креативни и интересни активности.

Една од нив е новогодишната претстава ,,Дедо Мраз во приказните”, во којашто улогите ги игра актерската екипа составена од родителки и учителки. Претставата, на македонски и на албански јазик, денеска ја гледаа дечињата во градинката „Пролет“, а за во градинките ,,Цветови” и ,,Пчелка” предвидени беа уште три претстави на македонски, албански и на турски јазик.
Вакви заеднички театарски претстави со родителите ќе бидат организирани и во иднина, информираат од градинките.

Изминатите денови во градинките и Центрите за ран детски развој се реализираа и креативни работилници, на кои беа изработувани новогодишни украси и декорации.

фото:ЈУ Детска радост