Гостивар
НП Маврово го промовираше проектот за обука на професионални водичи во планина
Националниот парк „Маврово“ го промовираше проектот за обука на професионални водичи во планина и додели уверенија на 12 учесници за завршена прва фаза од обуката. Проектот се реализира со поддршка на мрежата на заштитени подрачја „Паркови Динариди“, а главни цели се подобрување на соработката со локалното население и создавање услови за негова поголема вклученост во работата на локалните институции.
„Идејата да реализираме токму ваков проект дојде поради евидентната потреба од едуциран и професионално обучен кадар во областа во која нашиот парк и нашата земја има огромна потреба од истиот. Но, исто така еден од главните мотиви ни беше создавање на услови за задржување на жителите и стопирање на исселувањето кое претставува еден од поголемите проблеми со кои државата а посебно нашиот регион веќе долги години се соочува. Ваков кадар е важен за развој на туризмот и одговора на потребите на туристите и бизнис секторот, со оглед на фактот дека туризмот како економска гранка, од ден на ден станува сé побитен елемент во регионот“, рече во своето излагање, директорот на НП Маврово, Самир Ајдини.
На настанот се обратија и градоначалникот на општина Маврово и Ростуше, Медат Куртовски и претседателот на Македонската асоцијација на интернационални водичи во планина, Костантин Циривири.
Промоцијата беше искористена и за врачување на службени легитимации за 18 лица вработени во секторот за заштита, како чувари во заштитено подрачје. Присутните имаа можност да се информираат и за новата туристичка веб страница на НП Маврово, која наскоро и официјално ќе биде ставена во функција.
НП Маврово годинава одбележува значаен јубилеј, 70 години од формирањето, кој ќе биде прославен со нови проекти и повеќе активности.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар