Нурмагомедов со 29 победи замина во историјата

Хабиб Нурмагомедов вчера ја одбрани титулата во лесна категорија во УФЦ, откако го совлада Џастин Гејџи во втората рунда од нивната борба.

На спектаклот во Абу Даби, по релативно, изедначена прва рунда, во која Хабиб имаше за нијанса подобар настап, во втората не се чекаше долго за крај, го собори Гејџи и го „загуши“ со триаголник со нозете, при што американецот за кратко и загуби свест, а веднаш по крајот на борбата, русинот не можеше да ги задржи солзите, посветувајќи му ја победата на својот неодамна починат татко и тренер.

Како најави Хабиб, ова е неговиот последен меч. Нурмагомедов ја заврши кариерата како неприкосновен крал на УФЦ со 29 победи на исто толку натпревари.

„Мајка ми не сакаше да се борам во октагонот без татко ми, јас и ветив дека без разлика дали изгубил или победил ова ќе биде моја последна борба“ – изјави Нурмагомедов.