Обид за грабеж – Експлозија на банкомат во Бутел

Експлозивна направа поставена на банкомат во Бутел утрово е детонирана при што оштетени се три возила.

Од Министерството за внатрешни работи за МИА информираат дека  утрово во 3 и 38 часот во СВР Скопје е пријавено дека на подрачје на Бутел четири лица кои дошле со возило, поставиле експлозивна направа на банкомат и се обиделе да одземат пари, но не успеале.

-Од детонацијата се оштетени три возила. Нема повредени лица. Во тек е увид од полициски службеници и се преземаат мерки за расчистување на случајот, соопшти полицијата.